墨西哥Cabo之旅 2

依間酒店第二吸引我地方係佢嘅私人沙灘😍住客可以坐酒店小船去～ 嗰度有好多人辦婚禮～ 唔係住客都可以去不過唔可以用佢哋嘅任何設施～ 所以通常入得去都係住客～ （可能聽落去唔係好吸引私人海灘, 因為側邊大把酒店出去都係海灘不過公共海灘係好多人, 去咗之後慶幸洒店有私人海灘可以靜靜地食下嘢曬太陽同埋浸下水😎)

圖一 就係落咗船之後會經過一條走廊傾面好多花花草草如果識影相打卡位唔錯😏🤳🏻

圖二 住客可以揀一個位曬太陽, Order左嘢飲嘢食可以一路曬太陽一路享用

圖三 本身餐廳都有位坐, 餐廳嘅嘢食水準非常好, 而且最鍾意食嗰啲Taco冇芫荽 🤪 同埋佢啲海鮮都好好食好新鮮~ 🙋🏻‍♀️

圖四 Yellowtail 冇記錯嘅話醬汁好似係日本豉油加柚子 又係超好食 ( 一開始我都驚會屙, 不過完全係我諗多咗)💁🏻‍♀️

圖五六七辦婚禮嘅地方 👰🏻‍♀️🤵🏻‍♂️ 簡簡單單幾浪漫🥰啲賓客喺沙灘旁邊食埋嘢, 又可以喺嗰度住埋一間酒店乜嘢都搞掂晒~~~

最後嗰幾張都係啲嘢食相 佢哋嘅北極貝真係好唔錯不過我比較鍾意食佢哋嘅Sashimi

之後介紹吓墨西哥嘅嘢食..